काठमाडौं । गत आइतबार चेन्नई सुपर किंग्सको कोलकाता नाइट राइडर्ससँगको खेलपछि महेन्द्र सिंह धोनीले आफ्नो जर्सीमा अटोग्राफ दिएको कुरा गर्दा भारतका पूर्व ब्याट्सम्यान सुनिल गावस्कर भावुक भएका थिए ।

टिभीमा लाइभ कमेन्ट्री कार्यक्रमको क्रममा प्रेजेन्टरले गावस्करलाई ती पलहरूको सोध्दा उनी ती पलहरू सुनाउँदै भावुक भए।

उनले भने, “हेर्नुहोस् जब मलाई थाहा भयो कि सीएसके टोलीले ‘ल्याप अफ अनर’ दिनेछ, म संयोगवश त्यहाँ थिएँ। जब टोलीका मानिसहरू त्यहाँ ल्याप अफ अनर गरिरहेका थिए, मैले आफ्नो शर्टमा महेन्द्र सिंह धोनीको अटोग्राफ लिने विचार गरें।

“हाम्रो क्यामेरा लिएर उभिनेहरूसँग मार्कर पेन पनि थियो। माहीकहाँ गएपछि मैले अटोग्राफ दिन आग्रह गरेँ । उनले मेरो शर्टमा अटोग्राफ दिए। तर यो मेरो लागि ठूलो भावनात्मक क्षण हो किनभने यो मान्छेले भारतीय क्रिकेटको लागि के गरेन ?”

उनले भनें, “यदि मैले मेरो जीवनको अन्तिम केही क्षणहरूमा दुईवटा चीजहरू हेर्ने हो भने, म सबैभन्दा पहिले कपिल देवको 1983 को विश्वकप लिफ्टिङ पल हेर्न चाहन्छु। दोस्रो, म धोनीले छक्का प्रहार गरेपछि ब्याटलाई कसरी स्विङ गर्छन् भनेर हेर्न चाहन्छु।”

जब गावस्करले लाइभ टिभी कमेन्ट्रीमा यो भनिरहेका थिए, तब उनको आँखाबाट आँसु टल्किसकेको थियो । गावस्करले भावुक हुँदै भने, ‘यदि यी दुईलाई मेरो अन्तिम क्षणमा देखियो भने म हाँस्नेछु।

आइतबारको खेलपछि कप्तान धोनीको नेतृत्वमा रहेको चेन्नई सुपर किंग्सको सम्पूर्ण टोली मैदानको परिक्रमा गर्दै फ्यानहरूलाई धन्यवाद दिइरहेको थियो ।

धोनी र उनको टोलीले पहेँलो जर्सी लगाएर चेन्नईको टोलीलाई समर्थन गर्न खेलपछि स्टेडियम भरिरहने प्रशंसकहरूप्रति कृतज्ञता व्यक्त गर्न चाहन्थे।

एक खुट्टाको घुँडामा नी-क्याप लगाएका कप्तान महेन्द्र सिंह धोनी कहिले टि-सर्ट दर्शकतर्फ फ्याकिरहेका थिए त कहिले टेनिस बल। यसैबीच, खेलको कमेन्ट्री टोलीमा रहेका भारतीय टोलीका पूर्व कप्तान सुनील गावस्कर मैदानमा आएर महेन्द्र सिंह धोनीतिर झन्डै दौडे ।

गावस्करलाई देखेपछि धोनी रोकिए । दुवैबीच केही कुराकानी भयो र त्यसपछि धोनीलाई हेर्दै गावस्करले आफ्नो शर्टतर्फ औंल्याए ।

मुस्कुराउँदै धोनीले उनको शर्टमा ‘माही’ लेखेका छन् । त्यसपछि धोनी र गावस्करले अँगालो हाले । यसपछि गावस्कर आफ्नो बाटो लागे र धोनीले स्टेडियममा उपस्थित दर्शकहरूतर्फ सीएसकेको पहेँलो टी-शर्ट र टेनिस बल फ्याँक्न थाले।