काठमाडौं । पाकिस्तानी बलर शाहीन शाह अफ्रिदीले भारतीय बलर जसप्रित बुमराहलाई उपहार दिएका छन्, जसको भिडियो सामाजिक सञ्जालमा भाइरल भइरहेको छ ।

वास्तवमा, जसप्रित बुमराह हालै पिता बनेका छन् र आइतबार शाहिन अफ्रिदीले जसप्रितका छोराको लागि उपहार ल्याएका हुन् ।

यसको भिडियो पाकिस्तानी खेलाडीले एक्स (पहिलो ट्विटर) मा सेयर गरेका थिए, जसमा उनले बुमराहलाई छोराको लागि उपहार दिएर बधाई दिइरहेका छन्।

आइतबार भारत र पाकिस्तानबीचको सुपर ४ खेल वर्षाका कारण रद्द भएपछि खेलाडी मैदानबाट फर्किंदै गर्दा यस्तो भएको हो ।

यस भिडियोमा शाहिन अफ्रिदी भन्छन्- “धेरै बधाई भाइ, मेरो तर्फबाट एउटा सानो उपहार। अल्लाहले उनलाई खुसी राखून् र उनी नयाँ बुमराह बन्छन्।”

गत सोमबार जसप्रित बुमराहले पिता बनेको जानकारी दिँदै भनेका थिए– ‘हाम्रो परिवार बढेको छ । आज बिहान हाम्रा छोरा अंगद जसप्रित बुमराह संसारमा आएका छन्।’