काठमाडौं । एसियाली खेलकुदमा १०० मिटर बाधा दौडपछि दुई चिनियाँ खेलाडी लिन युवेई र वु येन्नीले एकअर्कालाई अँगालो हालेका थिए तर चीनमा दुवैको यो तस्विर सेन्सर भएको छ ।

यी दुई मध्ये एक खेलाडीको संख्या नम्बर ६ थियो र अर्को खेलाडीको नम्बर ४ थियो जुन ६४ हो । यो संख्या चिनियाँ अधिकारीहरूले जनताको सम्झनाबाटबाट मेटाउन चाहेको संख्या हो ।

सन् १९८९ मा जुन ४ (छैठौं महिनाको चौथो दिन) मा चीनमा प्रजातन्त्रका समर्थकहरूमाथि सैनिकहरूले गोली चलाएका थिए, जसमा सयौंको मृत्यु भएको थियो।

यद्यपी यस घटनामा मृत्यु हुनेको वास्तविक संख्या अझै थाहा हुन सकेको छैन ।

चीनको सामाजिक सञ्जाल प्लेटफर्ममा मानिसहरूले यस प्रतियोगितामा स्वर्ण जितेकोमा लिनलाई बधाई दिँदै पोस्ट गरेका थिए । तर फोटोहरू समावेश गरिएका पोस्टहरूमा नम्बर धमिल्याइएको थियो।

यद्यपि, चीनबाट केही समाचार लेखहरूमा अझै पनि यी फोटोहरू देख्न सकिन्छ। तियानमेन स्क्वायरको बारेमा कुरा गर्नु अझै पनि चीनमा धेरै संवेदनशील विषय हो।