विश्वकप क्रिकेटमा पाकिस्तानद्वारा बंगलादेश सात विकेटले पराजित

डिसी नेपाल
१५ कार्तिक २०८० ८:४३
100
Shares

काठमाडौं। विश्वकप अन्तर्गत हिजो भएको खेलमा पाकिस्तानले बंगलादेशलाई सात विकेटले पराजित गरेको छ। यो जितपछि पाकिस्तानले ६ अंक जोड्दै अफगानिस्तानलाई उछिनेर पाँचौं स्थानमा उक्लेको छ।

लगातार चारवटा खेलमा हार व्यहोरेपछि पाकिस्तानको लागि यो जित निस्केको हो। अब पाकिस्तानको सेमिफाइनल यात्राको सम्भावना सहज बनेको छ । बंगलादेश भने २ अंकसहित नवौं स्थानमा रह्यो । यो हारसंगै बंगलादेश प्रतियोगिताबाट बाहिरिएको छ।

जितका लागि २ सय ५ रन पछ्याएको पाकिस्तानले ३२.३ ओभरमा ३ विकेट गुमाएर विजयी रन बनायो। त्यसमा अब्दुल्लाह सफिकले ६८ र फखर जमानले ८१ रन बनाए।

त्यस अगाडि पहिले ब्याटिङ गरेको बंगलादेशले ४५.१ ओभरमा सबै विकेट गुमाएर २ सय ४ रन बनाएको थियो।




प्रतिक्रिया

Leave a Reply

Your email address will not be published. Required fields are marked *

धेरै पढिएको.