काठमाडौं । लोकसभा चुनावको मिति घोषणा भएको करिब एक हप्ता पछि, बीसीसीआईले आईपीएल २०२४ को बाँकी भागको लागि तालिका पनि जारी गरेको छ।

इन्डियन प्रिमियर लिगको एक्स ह्याण्डलबाट जारी गरिएको ट्वीटमा अप्रिल ७ पछि हुने खेलहरूको बारेमा जानकारी दिइएको छ ।

यस अनुसार यस प्रतियोगिताको फाइनल मे २६ मा चेन्नईमा हुनेछ । दोस्रो क्वालिफायर खेल पनि यही मैदानमा मे २४ मा हुनेछ।

पहिलो क्वालिफायर खेल २१ मे र एलिमिनेटर खेल २२ मेमा नरेन्द्र मोदी स्टेडियम अहमदाबादमा हुनेछ।

यसअघि बीसीसीआईले २२ फेब्रुअरीमा ७ अप्रिलसम्म आईपीएलको तालिका सार्वजनिक गरेको थियो । पहिलो दुई साताको यो तालिकामा २१ खेल खेलिने छन् ।

लोकसभा चुनावको मिति घोषणा पछि, अप्रिल ७ पछि खेल्ने खेलहरूको तालिका जारी गरिने बताइएको थियो ।