काठमाडौं ।पोल्याण्डकी इगा स्विटेकले फ्रेन्च ओपन महिला एकलको उपाधि जितेकी छिन् ।

शनिबार भएको फाइनल खेलमा स्विटेकले इटालीकी जास्मिन पाओलिनीलाई ६–२, ६–१ को सोझो सेटमा पराजित गरिन् ।

स्विटेकले चौथो पटक फ्रेन्च ओपनको उपाधि जितेकी छिन् ।

यसअघि स्विटेकले सन् २०२०, २०२२ र २०२३ मा फ्रेन्च ओपन जित्न सफल भइसकेकी छिन् । स्विटेकको यो पाँचौं ग्रान्डस्लाम उपाधि हो।

इटालीकी जास्मिन पाओलिनी पहिलो पटक ग्राण्डस्लामको फाइनलमा पुगेकी थिइन् ।