काठमाडौं। भिटामिन डी एक भिटामिन हो जसले हाम्रो शरीरमा अन्य पोषक तत्वहरू पुर्‍याउन मद्दत गर्दछ। यसको कमीकाे पहिलो असर हाम्रो हड्डीमा पर्छ र कमजोर हुन थाल्छन् ।

हड्डी कमजोर हुँदा मांसपेशी नरम हुन्छ जसले जोर्नीमा असह्य पीडा हुन्छ । यस्तो अवस्थामा हड्डी सम्बन्धित धेरै गम्भीर रोगहरू हुन सक्छ। वर्षायाममा घामको कमीका कारण शरीरमा भिटामिन डीको मात्रा निकै कम हुन्छ ।

यस्तो अवस्थामा हामी तपाईलाई यो सिजनमा भिटामिन डीको कमीबाट बच्न के के खानेकुराको सेवन गर्नुपर्छ भन्नेबारेमा बताउँनेछौं।

भिटामिन डीको कमीबाट बच्न यी कुराको सेवन गर्नुहोस्ः

बोसोयुक्त माछाः यदि तपाई आफ्नो शरीरमा भिटामिन डीको कमी नहोस् भन्ने चाहनुहुन्छ भने आफ्नो आहारमा बोसोयुक्त माछा समावेश गर्नुहोस् । साल्मन, म्याकरेल र सार्डिन जस्ता बोसोयुक्त माछा भिटामिन डीका उत्कृष्ट स्रोत हुन्।

डेयरी प्रोडक्टः डेयरी प्रोडक्टमा भिटामिन डी प्रचुर मात्रामा पाइन्छ। दूध, चिज र दहीले भिटामिन डीको कमी सजिलै पूरा गर्छ।

च्याउ : तपाईले आफ्नो आहारमा च्याउ पनि समावेश गर्नुपर्छ । यसको सेवनले शरीरमा यो भिटामिनको कमी हुदैन । तपाईं कजष्ष्तबपभ र उयचतयदभििय जस्तै केहि च्याउ प्रयास गर्न सक्नुहुन्छ।

अण्डा: अण्डामा भिटामिन डी प्रचुर मात्रामा पाइन्छ । यस्तो अवस्थामा तपाईंले आफ्नो आहारमा भिटामिन डी युक्त अण्डाको पहेंलो भाग समावेश गर्नुपर्छ।

भिटामिन डी सप्लिमेन्टः भिटामिन डीको कमीलाई हटाउन आफ्नो आहारमा भिटामिन डी युक्त खानेकुराहरू समावेश गर्नुहोस्। गम्भीर कमीको अवस्थामा, तपाईंले आफ्नो चिकित्सकको सल्लाहमा भिटामिन डी पूरक लिन सक्नुहुन्छ।