काठमाडौं । इजरायली सेनाले गाजाको एक विद्यालयमा आक्रमण गरेर प्यालेस्टिनी शरणार्थीहरूलाई लक्षित गरेको आरोपको जवाफ दिएको छ।

इजरायली सेनाले विद्यालय भित्र कमाण्ड सेन्टर चलाइरहेका “लडाकुहरू” लाई लक्षित गरेको बताएको छ।

आइतबार राति गाजामा इजरायलले गरेको हवाई आक्रमणमा मृत्यु हुनेको संख्या ५० भन्दा बढी भएको बताइएको छ।

आइतबार राति भएको दुई छुट्टाछुट्टै इजरायली हवाई आक्रमणमा कम्तीमा ५४ प्यालेस्टिनीको मृत्यु भएको अस्पतालका दुई निर्देशकले बीबीसीलाई बताएका छन् ।

गाजामा रहेको हमासद्वारा सञ्चालित नागरिक रक्षा एजेन्सीले शहरका दुई भवनहरूमा इजरायली आक्रमणमा ५० भन्दा बढी व्यक्तिको मृत्यु भएको बताएको छ।

नागरिक सुरक्षा एजेन्सीले मृत्यु हुनेमा धेरै बालबालिका रहेको बताएको छ।

एजेन्सीका अनुसार गाजामा विस्थापित परिवारहरूलाई आश्रय प्रदान गर्ने विद्यालयमा भएको आक्रमणमा ३० भन्दा बढीको मृत्यु भएको छ। धेरै मानिसहरू घाइते भएका छन्।

उत्तरी गाजामा भएको अर्को इजरायली आक्रमणमा १९ जनाको मृत्यु भएको अधिकारीहरूले बताएका छन्।