काठमाडौं । तमिलनाडुको मक्कल निधि मायाम (एमएनएम) पार्टीले कमल हसनलाई राज्यसभा सीटका लागि उम्मेदवार बनाएको छ। कमल हासनको उम्मेदवारीलाई सत्तारुढ डीएमकेको समर्थन छ।

डीएमकेले राज्यसभाका लागि तीन उम्मेदवारको नाम जारी गरेको छ । डीएमकेले एक्समा गरेको पोस्टमा भनिएको छ – डीएमकेले आगामी राज्यसभा चुनावको लागि तीन जना उम्मेदवार खडा गर्नेछ र एउटा सिटमा मक्कल निधि मय्यम पार्टीका उम्मेदवारलाई समर्थन गर्नेछ।

तमिलनाडुका छ जना राज्यसभा सांसदको कार्यकाल जुलाई २४ मा समाप्त हुँदैछ। निर्वाचन आयोगले जारी गरेको सूचना अनुसार मनोनयन प्रक्रिया जुन २ मा सुरु हुनेछ। मनोनयनको अन्तिम मिति जुन ९ हुनेछ। आवश्यक परेमा, यी राज्यसभा सिटहरूको लागि जुन १९ मा चुनाव हुनेछ।