काठमाडौं । हालै अमेरिकी राष्ट्रपति डोनाल्ड ट्रम्प र स्पेसएक्सका सीईओ एलन मस्कबीच चर्को वाकयुद्ध भएको थियो। यसपछि ट्रम्पले एलन मस्कका कम्पनीहरूलाई दिइँदै आएको “सरकारी अनुदान र सरकारी ठेक्काहरू अन्त्य गर्ने” बताएका थिए।

यदि ट्रम्प र मस्कबीचको तनाव बढ्यो भने यसले मस्कलाई हानि पुर्‍याउन सक्छ भन्ने विश्वास गरिन्छ। मस्कका दुई कम्पनीहरू स्पेसएक्स र टेस्लाले अमेरिकी सरकारबाट प्रत्यक्ष अनुदान पाउँछन्।

यसअघि, लामो समयदेखि ट्रम्पका सहयोगी स्टिभ ब्याननले ह्वाइट हाउसलाई “आज स्पेसएक्स कब्जा गर्न” आह्वान गरेका थिए।

यसपछि, मस्कले स्पेसएक्सको ड्र्यागन अन्तरिक्ष यानलाई डिकमिशन गर्ने बताएका थिए । अर्थात् उनले यसको काम बन्द गर्नेछन्। यस अन्तरिक्ष यान मार्फत अमेरिकी अन्तरिक्ष एजेन्सी नासाले अन्तरिक्ष यात्रीहरूलाई अन्तरिक्ष स्टेशनमा पठाउँछ।

तर, अब मस्कले अब यस्तो नगर्ने बताएका छन्। उनले भनेका छन् – उनी अझै ड्र्यागन अन्तरिक्षयानलाई “डिकमिशन” गर्दैनन्, जुन नासाको लागि काम गर्दछ र अन्तर्राष्ट्रिय अन्तरिक्ष स्टेशनमा पुग्न प्रयोग गरिन्छ।

स्पेसएक्ससँगका धेरै सम्झौताहरू वर्गीकृत छन्, त्यसैले तिनीहरूको बारेमा धेरै जानकारी सार्वजनिक रूपमा उपलब्ध छैन।

यद्यपि, सरकारी कागजातहरूका अनुसार स्पेसएक्सलाई सरकारले २०२४ मा ३.८ अर्ब डलर दिएको थियो।

बीबीसीको रिपोर्ट अनुसार , स्पेसएक्सका अध्यक्ष ग्वेन शटवेलले भनेका थिए कि कम्पनीको सरकारसँग २२ अर्ब डलरको सम्झौता छ। समाचार एजेन्सी रोयटर्सका अनुसार, यसमध्ये कम्पनीले नासाबाट १५ अर्ब डलर प्राप्त गरेको थियो।