काठमाडाैं। पशुपतिनाथ मन्दिर परिसरमा साउन महिनाभरि सञ्चालन हुने श्रीमद्भागवत सप्ताह पितृमुक्ति ज्ञान महायज्ञ २०८२ का लागि सम्पूर्ण तयारी पूरा भएको छ।

आयोजनाका लागि मन्दिर परिसर सजाइएको छ भने भक्तजनका सुविधालाई मध्यनजर गर्दै विभिन्न व्यवस्थापनहरू गरिएको छ। यस ज्ञान महायज्ञमार्फत पितृमोक्ष, आध्यात्मिक उन्नति र समाजमा धार्मिक चेतना फैलाउने उद्देश्य लिइएको छ। साउन १ गतेदेखि सुरु हुने यस धार्मिक आयोजनामा देशभरिबाट भक्तजनहरू सहभागी हुने अपेक्षा गरिएको छ।