काठमाडौं । युक्रेनी राष्ट्रपति भोलोडिमिर जेलेन्स्कीले रुस-युक्रेन युद्धमा चीन र पाकिस्तान लगायत धेरै देशका ‘भाडाका सैनिकहरू’ संलग्न रहेको दाबी गरेका छन्।

जेलेन्स्कीले युक्रेनी सैनिकहरूसँगको तस्बिर सेयर गर्दै ट्विटरमा लेखेका छन् – सोमबार उनी भोभ्चान्स्क क्षेत्रमा सैनिकहरूबीच उपस्थित थिए। त्यहाँ उनले कमाण्डरहरूबाट मोर्चाको अवस्थाको बारेमा जानकारी लिए।

उनले लेखे , “भोभ्चान्स्क क्षेत्रमा रहेका हाम्रा लडाकुहरूले युद्धमा चीन, ताजिकिस्तान, उज्बेकिस्तान, पाकिस्तान र अफ्रिकी देशका भाडाका सैनिकहरूको संलग्नता रिपोर्ट गरिरहेका छन्। हामी यसको जवाफ दिनेछौं।”

अक्टोबर २०२४ मा प्रकाशित रिपोर्टहरूले युक्रेनमा रुसी सेनालाई सहयोग गर्न उत्तर कोरियाली सेना तैनाथ गरिएको दाबी गरेका थिए।