काठमाडौं । युरोमोटर्स प्रा.लि.ले हालसालै विश्वको अग्रणी अटोमोबाइल निर्मातामध्ये एकडोङफेङसँग सहकार्य गर्दै श्रीलङ्काको बजारमा आफ्नो सवारी साधनको श्रृंखला आधिकारिक रूपमा सार्वजनिक गरेको छ।

सन् १९६९ मा स्थापना भएको डोङफेङ एक ग्लोबल फर्च्युन ५०० कम्पनी हो जुन १०० भन्दा बढी देशमा सञ्चालनमा छ भने यसले विश्वभर ६करोड भन्दा बढी सवारी साधन बिक्री गरिसकेको छ । श्रीलङ्कामा यसको प्रवेशलाई देशको इलेक्ट्रिक मोबिलिटी यात्रामा एक महत्वपूर्ण मोडको रूपमा हेरिएको छ।

युरो मोटर्सका प्रमुख कार्यकारी अधिकृत रविन्द्र सेनारत्नेले भने,“युरोमोटर्सले एक विश्वासिलो नामको रुपमा आफ्नो पहिचान कमाएको छ। हामी दशकौँदेखि गुणस्तरीय सवारीसाधन र अत्यन्त भरोसायोग्य सेवा प्रदान गर्दै स्थापित भएका हौँ। डोङफेङको सवारी साधन श्रृंखला थप हुनु भनेको हाम्रो इलेक्ट्रिक, दक्ष र अपेक्षा गरिएको भन्दा अझै उत्कृष्ट भविष्यतर्फको बलियो कदम हो। डोङफेङको बजार प्रवेश दीर्घकालीन हो, र हामी आफ्ना ग्राहकलाई दीर्घकालीन रूपमा मूल्यवान र विश्वस्तरीय मोबिलिटी समाधान प्रदान गर्न पाउँदा गर्व र उत्साह अनुभव गर्दैछौँ।”

यो श्रृंखलाको अग्रभागमा डोङफेङ बक्स मोडेल रहेको छ जुन पूर्णतया इलेक्ट्रिक ह्याचब्याक हो र यसले स्मार्ट प्रविधि, फराकिलो डिजाइन र किफायती मूल्यलाई संयोजन गरेको छ। यसले आधुनिक ड्राइभिङ अनुभव, असाधारण सुविधा र सामान्यतया प्रिमियम मोडेलहरूमा मात्र पाइने विशेषताहरू प्रदान गर्दछ । १ करोड रुपैयाँको स्ट्यान्डर्ड मूल्यभन्दा २ लाख ५० हजार रुपैयाँ सस्तोमा डोङफेङ बक्सले बजारमा अत्यन्त आकर्षक अफर मूल्यका साथ आफ्नो यात्रा सुरु गरेको छ।

आफ्नो क्लासमा सबैभन्दा उत्कृष्ट आकार र विशेषताका कारण डोङफेङ बक्स १८१० मिमीको फराकिलो बडी र २६६० मिमीको ह्वील बेससहित आउँछ, जुन यसको सेग्मेन्टमा सबैभन्दा लामो ह्वीलबेस हो। यस क्याटेगोरीमा यति धेरै इन्टेरियर स्पेस र जेनुइन फाइभ सिटको आराम दिने मोडेल दुर्लभ छन् । दैनिक यात्रालाई सहज बनाउन यसमा ५४०-डिग्री प्यानोरामिक क्यामेरा सिस्टम, अटो–पार्किङ, भेन्टिलेटेड फ्रन्ट सिटर लेभल २ एडीएएस (ADAS) सुरक्षा प्रविधिजस्ता उच्चस्तरीय सुविधाहरू छन् । डोङफेङ बक्सले प्रतिस्पर्धी मोडेलहरू भन्दा उल्लेखनीय रूपमा उत्कृष्ट विशेषता र उपकरणहरू किफायती मूल्यमा प्रदान गर्दछ।

युरो मोटर्सका कार्यकारी निर्देशक जामिर इम्तियाजले भने, “बजारमा डोङफेङको प्रवेश युरोमोटर्स र सम्पूर्ण अटोमोबाइल उद्योगका लागि एक नयाँ र उत्साहजनक अध्यायको सुरुवात हो। डोङफेङ बक्स त केवल सुरुवात मात्र हो, हामी प्रविधि, मूल्य, इनोभेसन र EV को क्षेत्रमा नयाँ बेन्चमार्क स्थापित गर्ने धेरै मोडेलहरू ल्याउने योजनामा छौँ।”

डोङफेङले श्रीलङ्कामा थुप्रै सेवा–सुविधाहरू पनि ल्याएको छ, जसमा एक वर्ष वा २०,००० किमी भित्र पार्ट्स र लेबर सहितको नि:शुल्क सर्भिस र थप तीन वर्ष वा ६०,००० किमीको लागि लेबरमा मात्र नि:शुल्क सर्भिसको सुविधा उपलब्ध छ।

प्रत्येक सवारी साधनसँगै घर र यात्राका लागि छुट्टै चार्जर नि:शुल्क दिइनेछ । साथै ब्याट्री र ड्राइभ ट्रेनका लागि आठ वर्ष वा २,००,००० किमीको वारेन्टी हुनेछ। सवारी साधनको मूल्यको ९० प्रतिशत सम्म कोलिज–फाइनान्सिङ सुविधा पनि उपलब्ध भएकाले व्यापक ग्राहकवर्गका लागि यो अझ सजिलो भएको छ।