काठमाडौं । दक्षिण कोरियाको रक्षा मन्त्रालयका अनुसार देशमा जन्मदरमा आएको गिरावटका कारण सेनामा सिपाहीहरूको संख्या घटेर ४.५ लाख पुगेको छ।

सत्तारुढ डेमोक्र्याटिक पार्टीका सांसद चु मी-एले आइतबार यो प्रतिवेदन जारी गरे। यसमा विगत छ वर्षमा सैन्य बल २० प्रतिशतले घटेको उल्लेख छ।

यसका कारण सन् २००६ मा डिभिजनहरूको संख्या ५९ रहेकोमा अहिले त्यसबाट घटेर ४२ पुगेको छ। सैनिक अभावका कारण धेरै युनिटहरू या त बन्द भएका छन् वा अन्य युनिटहरूसँग गाभिएका छन्।

दक्षिण कोरियाली अधिकारीहरूले दक्षिण कोरियामा प्रति महिला जन्मदर ०.७५ बच्चा रहेको बताएका छन्। यो दर विश्वमै सबैभन्दा कम हो।

दक्षिण कोरियामा अनिवार्य सैन्य सेवा अझै पनि छ किनभने यो देश अझै पनि प्राविधिक रूपमा आफ्नो आणविक हतियारधारी छिमेकी उत्तर कोरियासँग युद्धमा छ।

जुलाईमा दक्षिण कोरियाली अनुसन्धानकर्ताहरूले प्रकाशित गरेको एक अध्ययनले उत्तर कोरियाली आक्रमणबाट बच्न देशलाई कम्तिमा ५,००,००० सेनाको आवश्यकता पर्ने सुझाव दिएको थियो।

यसमा एक लाख तीस हजार सक्रिय सैनिकहरू छन्।