काठमाडौं । अमेरिकी राष्ट्रपति डोनाल्ड ट्रम्पले यदि अमेरिका र चीनबीच व्यापार सम्झौता भएन भने चीनले नोभेम्बर १ देखि १५५ प्रतिशत भन्सार तिर्नुपर्ने हुन सक्ने बताएका छन् ।

सोमबार ह्वाइट हाउसमा पत्रकारहरूसँग कुरा गर्दै ट्रम्पले यो कुरा बताएका हुन्।

ट्रम्पले भने , “मलाई लाग्छ चीनले हामीप्रति धेरै सम्मानजनक व्यवहार गरेको छ। उनीहरूले हामीलाई धेरै पैसा ट्यारिफमा तिरिरहेका छन्। उनीहरूले ५५ प्रतिशत ट्यारिफ तिरिरहेका छन्, जुन धेरै उच्च हो।”

उनले भने, “धेरै देशहरूले अमेरिकाको फाइदा उठाए, तर अब तिनीहरू त्यसो गर्न सक्षम छैनन्। चीनले ५५ प्रतिशत भन्सार तिरिरहेको छ र यदि हामीबीच कुनै सम्झौता भएन भने, नोभेम्बर १ देखि भन्सार १५५ प्रतिशतसम्म बढ्न सक्छ।”

ट्रम्पले चिनियाँ राष्ट्रपति सी जिनपिङसँग भेट्ने योजना रहेको बताए, जुन उनले आगामी हप्ताहरूमा दक्षिण कोरियामा हुने बताए।

अमेरिकी राष्ट्रपतिले अमेरिका र चीन दुवैको हितमा समाधान खोज्ने आशा व्यक्त गरे।