काठमाडौं । भारतीय विदेशमन्त्री एस. जयशंकरले रुसको राजधानी मस्कोमा रुसी विदेशमन्त्री सर्गेई लाभरोभसँग भेटवार्ता गरेका छन् । भेटघाटका क्रममा दुई देशबीचको द्विपक्षीय साझेदारीबारे छलफल भयो।

यसबाहेक बैठकमा भारत-रूस २३ औं वार्षिक शिखर सम्मेलनको तयारीबारे पनि छलफल गरिएको थियो।

भारत र रुस बीचको २३ औं वार्षिक शिखर सम्मेलन हुने तय भएको छ र रुसी राष्ट्रपति भ्लादिमिर पुटिनले यसको लागि भारतको भ्रमण गर्नेछन्।

रुसी विदेशमन्त्रीसँगको भेटबारे जयशंकरले भने , “म मस्कोमा विदेशमन्त्री सर्गेई लाभरोभलाई भेट्न पाउँदा खुसी छु। यस क्रममा व्यापार र लगानी, ऊर्जा, गतिशीलता, कृषि, प्रविधि, संस्कृति र द्विपक्षीय साझेदारीबारे छलफल भयो।”

उनले भने, “हामीले क्षेत्रीय, विश्वव्यापी र बहुपक्षीय मुद्दाहरूमा हाम्रा विचारहरू साझा गर्यौं। साथै, २३ औं वार्षिक भारत-रूस शिखर सम्मेलनको तयारीको समीक्षा गरियो।”