काठमाडौं । युद्ध अन्त्य गर्न ‘ट्रम्पको शान्ति योजना’ मा छलफल भइरहेका बेला युक्रेन र रुसले एकअर्काको शहरहरूमा आक्रमण गरेका छन्।

युक्रेनको राजधानी कीभका मेयर भिटाली क्लिट्स्कोले रुसी आक्रमणमा छ जनाको मृत्यु भएको बताए।

यसअघि, अधिकारीहरूले कम्तिमा दुई आवासीय ब्लकहरूमा आक्रमण भएको बताएका थिए।

जबकि रुसी अधिकारीहरूले युक्रेनले क्रास्नोडार र रोस्तोभको सीमावर्ती क्षेत्रमा रातभर धेरै हवाई हमला गरेको बताएका छन्।

रुसी रक्षा मन्त्रालयले रुसी सेनाले २४९ युक्रेनी ड्रोन खसालेको बताएको छ।

रोस्तोभ क्षेत्रका कार्यवाहक गभर्नरले आक्रमणमा कम्तीमा तीन जनाको मृत्यु भएको बताएका छन्।

यसैबीच, एक अमेरिकी अधिकारीले बीबीसीलाई पुष्टि गरेका छन् – शान्ति योजनाको मस्यौदामा जेनेभामा वार्तापछि अबुधाबीमा रुसी प्रतिनिधिहरूसँगको बैठक हुनेछ।

ट्रम्पको सुरुमा प्रस्ताव गरिएको शान्ति योजना आइतबार जेनेभामा भएको बैठकमा परिमार्जन गरिएको थियो र यसलाई अद्यावधिक शान्ति योजना भनिएको छ।

युक्रेनी राष्ट्रपति जेलेन्स्कीले शान्ति योजनासँग ‘मोटामोटी रूपमा’ सहमत भएको बताए।