काठमाडौं । फिनल्याण्डले पाकिस्तान, अफगानिस्तान र म्यानमारमा रहेका आफ्ना दूतावासहरू बन्द गर्दैछ ।

विदेश मन्त्रालयले एक विज्ञप्ति जारी गर्दै योजना अनुसार यी देशहरूमा रहेका दूतावासहरू सन् २०२६ मा बन्द गरिने बताएको छ।

परराष्ट्र मन्त्रालयका अनुसार रणनीतिक समीक्षापछि यो निर्णय गरिएको हो। फिनल्याण्डका राष्ट्रपतिले जारी गरेको आदेशपछि दूतावासहरू बन्द गर्ने निर्णय गरिएको हो।

मन्त्रालयका अनुसार यी देशहरूको राजनीतिक परिस्थितिमा आएको परिवर्तन र फिनल्याण्डसँगको सीमित व्यावसायिक तथा आर्थिक सम्बन्ध लगायत सञ्चालनका कारण यी दूतावासहरू बन्द गरिँदैछन्।

यसैबीच, फिनल्याण्डले अमेरिकामा आफ्नो उपस्थिति बढाउन ह्युस्टनमा आफ्नो महावाणिज्य दूतावास खोल्ने भएको छ।