काठमाडौं । अमेरिकी विदेश विभागले सबै भिसा आवेदकहरूको विस्तृत जाँच फेरि गरिने बताएको छ । पुनः हुने जाँचमा आवेदकहरूको अनलाइन उपस्थितिको समीक्षा सहित जाँच गरिनेछ ।

यसको अर्थ, आवेदकले विगतमा आफ्नो सामाजिक संजालमा गरेका पोस्टहरूको पनि जाँच हुनेछ । र, ती पोस्टमा उल्लेख भएका कुराहरू वा आवेदकले शेयर गरेका कुराहरू अमेरिकालाई चित्त नबुझेमा भिसा अस्वीकृत हुनेछ ।

विभागले डिसेम्बर १५ देखि ए-४ भिसा श्रेणी अन्तर्गत पर्ने सबै एच-१ बी भिसा आवेदकहरू र उनीहरूका आश्रितहरूको अनलाइन उपस्थितिको पनि समीक्षा गरिने बताएको छ।

“सबै भिसा आवेदकहरूको जाँच गरिनेछ। यसमा ‘एफ’, ‘एम’, र ‘जे’ गैर-आप्रवासी वर्गहरूमा रहेका सबै विद्यार्थी र एक्सचेन्ज भिजिटर आवेदकहरूको अनलाइन उपस्थितिको समीक्षा समावेश छ,” अमेरिकी विदेश विभागले एक विज्ञप्तिमा भनेको छ।

यसका लागि, आवश्यक परेमा अमेरिकी विदेश विभागले अन्तरवार्ताका लागि दिइएको समय तालिकामा परिवर्तन गर्नेछ।