काठमाडौं । जापानमा हिमपातको मौसमले शुक्रबार राति ठूलो सडक दुर्घटना निम्त्याएको छ। प्रहरीले कुहिरोका कारण त्यस क्षेत्रमा भिजिबिलिटी कम भएको र दुई ट्रक ठोक्किएको बताएको छ।

ठक्करले द्रुतमार्गको एक भाग अवरुद्ध पारेको थियो। हिउँ परेको सडकमा पछाडिबाट आएका सवारी साधनहरूले समयमै ब्रेक लगाउन सकेनन् र ६० भन्दा बढी सवारी साधनहरू एकअर्कासँग ठोक्किए। ठोक्किएपछि सवारी साधनहरूमा आगो लागेको थियो।

गुन्मा प्रिफेक्चरको मिनाकामी शहरको कान-एत्सु एक्सप्रेसवेमा दुर्घटना भएको हो। ७७ वर्षीया महिलासहित दुई जनाको मृत्यु भएको छ भने २६ जना घाइते भएका छन्। दुर्घटनाको समयमा देशको वर्षको अन्त्य र नयाँ वर्षको बिदाका कारण ट्राफिक जाम धेरै थियो।