काठमाडौं । अमेरिकी राष्ट्रपति डोनाल्ड ट्रम्पले आइतबार एयर फोर्स वानमा भेनेजुएलाबारे पत्रकारहरूको प्रश्नको जवाफ दिए।

जब पत्रकारहरूले उनलाई अरू देशमा सत्ता परिवर्तन र नेशन बिल्डिङ विरुद्धका उनका विगतका अभिव्यक्तिहरूको बारेमा प्रश्न गरे, ट्रम्पले भने, “त्यो हाम्रो क्षेत्रमा छ, डोनरो सिद्धान्त अन्तर्गत।”

उनले भने, “हाम्रो काम भनेको हाम्रो वरपरका देशहरू स्थिर र सफल छन् र त्यहाँबाट तेल कुनै अवरोध बिना बाहिर निस्कन सक्छ भन्ने कुरा सुनिश्चित गर्नु हो।”

ट्रम्पले भने – “अमेरिकाले भेनेजुएलालाई ट्रयाकमा फर्काउनु पर्छ।” उनले भेनेजुएलालाई “मृत” भनेर वर्णन गरे।

उनले भने, “भेनेजुएलामा पूर्वाधार पुनर्निर्माण गर्न तेल कम्पनीहरूले ठूलो लगानी गर्नुपर्नेछ।”

यद्यपि, पछि ट्रम्पले भने – अमेरिकाले कुनै पनि लगानी गर्दैन र देश र जनताको हेरचाह गर्नेछ, जसमा बाध्यतामा आफ्नो देश छोडेर हाम्रो देशमा बसिरहेका भेनेजुएलाका नागरिकहरू पनि समावेश छन्।

यस क्रममा एक पत्रकारले सोधे – के भेनेजुएलाकी अन्तरिम राष्ट्रपति डेल्सी रोड्रिगेजले अब देशको नेतृत्व गर्नेछिन् ?

यसबारे ट्रम्पले भने – मेरो टोली उनी (रोड्रिगेज) सँग सम्पर्कमा छ, तर यदि उनले अमेरिकाको कुरा सुनिनन् भने उनको भाग्य मादुरोको जस्तै हुन सक्छ।