जोसँग पाइन्छ उसकै ख्याल गरिन्छ यहाँ
सकभर आफ्नै गोजी नै भरिन्छ यहाँ

जोसँग पाइन्छ उसँगै लागिन्छ यहाँ
चाप्लुसी गरेर माग्ने झैं मागिन्छ यहाँ

जोसँग पाइन्छ उसैलाई ढोगिन्छ यहाँ
हेप्ला दु:ख देला ति सबै भोगिन्छ यहाँ

जोसँग पाइन्छ उसँगै हिँडिन्छ यहाँ
ऊ भन्दा धनी भेटे उसलाई छोडिन्छ यहाँ

जोसँग पाइन्छ सधैँ साथ दिइन्छ यहाँ
लौ ऊ मर्ने भयो कहाँ सँगै मरिन्छ यहाँ

( ६ र ८ अक्षरमा विश्राम )

लस एन्जेलस