काठमाडौं । नेकपा एमालेका अध्यक्ष केपी शर्मा ओलीले डरत्रास नराखि ढुक्क भएर आफूविरुद्ध चुनावी प्रतिष्पर्धा गर्न विपक्षी उम्मेद्वारहरूलाई सुझाव दिएका छन्।

सोमबार गृहजिल्ला झापा पुग्नेभएका ओलीले झापाको दमकमा आयोजित पत्रकार भेटघाटका क्रममा आफुहरु अरु जस्तो डर त्रासको राजनीति नगर्ने भन्दै आफूविरुद्ध ढूक्कले प्रतिष्पर्धा गर्न सुझाव दिएका हुन्।

चर्चा होस भनेर आफुहरुबिरुद्ध उम्मेदवारी दिन चाहनेहरू देखिएको भन्दै ओलीले चूनावी प्रतिष्पर्धालाई स्वभाविक रुपमा लिएको धारणा राखे।

उहाले आफुले झापामा शिक्षा, स्वास्थ्य, खानेपानीलगाएत पूर्वाधार विकासमा असाधारण विकास भएको दावी गरे।

कृषिको आधुनिकीकरण, उद्योगहरु बनाउँदै लाने अन्तिम तयारीमा रहेको र झापाको योजनाले धेरै रोजगारीको सृजना गर्नका लागि यान्त्रिकरण गरिरहेको उनले बताए।

उनले एमाले बाहेक अरुसंग बिकासको कुनै योजना नै नरहेको उल्लेख गरे। त्यस्तै ओलीले देशलाई चाहिएको शान्ति सुरक्षामा सरकार उदासिन देखिएको समेत बताए।