काठमाडौं। नेपाल कम्युनिष्ट पार्टी (एमाले)का अध्यक्ष केपी शर्मा ओलीले देशको अखण्डता, स्वाभिमान र राष्ट्रियताका सवालमा गम्भीर भएर सोच्न मतदातालाई आग्रह गरेका छन्।

आसन्न प्रतिनिधिसभा सदस्य निर्वाचन, २०८२ का सन्दर्भमाम आज भिडियो सन्देश दिँदै उनले आफूले देशको हित र विकासका लागि सक्दो प्रयास गर्दै आएको स्मरण गराउँदै ‘देश पहिलो’ भन्ने मान्यताका साथ एमालेलाई विजयी गराउन आग्रह गरेका छन्।

आफूप्रति भ्रम फैलाइएका कारण मानिसमा गुनासा, प्रश्न हुन सक्ने भन्दै पूर्वप्रधानमन्त्री ओलीले केही आफूबाट पनि कमजोरी भएका हुनसक्ने स्वीकार गरे। उनले देश बनाउने अभियानमा अघि बढेकाले अब देशका संरचना कहिल्यै नजल्ने सुनिश्चिता चाहिएको तर्क गरे।

अध्यक्ष ओलीले यस पटकको निर्वाचन पार्टी-पार्टीबीचको निर्वाचनमा सीमित नरहेका उल्लेख गर्दै गम्भीर भएर सोच्न आग्रह गरे।