काभ्रेपलाञ्चोक । रामेछापमा कर्मचारीसहित निर्वाचनका सामाग्री बोकेको गाडी दुर्घटना पर्दा एक जनाको ज्यान गएको छ।

रामेछाप नगरपालिका २ देउरालीको सितलादेवी मावि र वडा नं ३ साँघु टारको वडा कार्यालय मतदान केन्द्रका कर्मचारी र निर्वाचन सामाग्री लिएर गएको निसान कम्पनीको ना७ख ६७६८ नम्बरको गाडी देउरालीको मतदान केन्द्रमा खटिएका कर्मचारी र निर्वाचन सामाग्री झारेर ब्याक गर्ने क्रममा दुर्घटनामा परको प्रहरीले जनाएको छ।

जिप भिरबाट खस्दा एक जना सुरक्षाकर्मीको मृत्यु भएको र गाडीमा निर्वाचन सामग्रीसहित १०/११ जना निर्वाचनमा खटिएका कर्मचारी सवार रहेको प्रहरीले जनाएको छ।

विस्तृत विवरण आउन बाँकी रहेको जिल्ला प्रहरी कार्यालय रामेछापका इन्स्पेक्टर राजनप्रसाद तिमल्सिनाले जानकारी दिए।