काठमाडौं । अंग्रेजी पत्रिका वाशिंगटन पोस्टको समाचार अनुसार अमेरिकी रक्षा विभागको मुख्यालय पेन्टागनले इरान युद्धको लागि राष्ट्रपति भवनबाट ठूलो रकम माग गरेको छ।

वाशिंगटन पोस्टले एक वरिष्ठ प्रशासनिक अधिकारीलाई उद्धृत गर्दै भनेको छ – पेन्टागनले ह्वाइट हाउसलाई इरान युद्धको लागि २०० अर्ब डलरभन्दा बढी अनुमोदन गर्न आग्रह गरेको छ।

उक्त पत्रिकाले यो रकम इरानमा हालसम्म भएको अभियानको लागतभन्दा धेरै बढी हुने र पहिले नै खर्च भइसकेका अत्यावश्यक हतियारहरूको उत्पादन “तत्काल” बढाउने उद्देश्यले गरिने बताएको छ।

विगत दुई हप्तामा पेन्टागनले कोषको लागि धेरै फरक अनुरोधहरू “प्रस्तुत” गरेको छ।

वासिङ्टन पोस्टको विश्वास छ – पछिल्लो अनुरोधले “कांग्रेसमा ठूलो राजनीतिक लडाईं निम्त्याउन सक्छ।”

यो लेख्ने समयमा, अमेरिकी रक्षा विभाग र ह्वाइट हाउस दुवैले यस विषयमा टिप्पणीको लागि अखबारको अनुरोधलाई अस्वीकार गरेका थिए।