काठमाडौँ। रसुवागढी हाइड्रोपावर कम्पनीको बार्षिक साधारण सभा हुने स्थान परिवर्तन भएको छ । अब कम्पनीको सभा पुस २६ गते स्मार्ट क्याफे, धुम्बाराही काठमाडौंमा हुनेछ । सभा बिहान ११ बजे भर्चुअल माध्यमबाट सुरु हुनेछ । यसअघि सभा कम्पनीको रजिष्टर्ड कार्यालय, महाराजगञ्ज काठमाडौंमा हुने भनिएको थियो ।

सभामा कम्पनीले आर्थिक वर्ष २०७७/७८ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७८/७९ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ ।

सभा प्रयोजनका लागि कम्पनीले पुस १२ गते बुक क्लोज गर्ने भएको छ। यसको अर्थ पुस ११ गतेसम्म कायम सेयरधनीहरुमात्रै यो कम्पनीको वार्षिक साधारणसभामा भाग लिन पाउनेछन्।