काठमाडौं। अस्ट्रेलियाका ओपनर ब्याट्सम्यान डेभिड वार्नरले पाकिस्तानविरुद्ध पहिलो टेष्ट क्रिकेटमा शतक बनाएका छन्। घरेलु टोली अस्ट्रेलियाका वार्नरले पाकिस्तानविरुद्ध जारी टेष्ट खेलमा १८० बलमा शतक पूरा गरेका हुन्।

शतक बनाउने क्रममा उनले ७ चौका प्रहार गरे। उनको यो टेष्ट क्रिकेटमा २२औं शतक हो। त्यस्तै, उनले टेष्ट क्रिकेटमा ३० अर्धशतक बनाएका छन्।

उनको शतकसँगै अस्ट्रेलिया पाकिस्तानविरुद्ध निकै बलियो स्थितिमा पुगेको छ। २०० रन हुदा १ विकेट पनि नगुमाएको अस्ट्रेलियाका लागि अर्का ओपनर ब्याट्सम्यान जोइ बुर्नस ९१ रन बनाएर खेलिरहेका छन्।

यसअघि टस जितेर पहिले ब्याटिङ गरेको पाकिस्तानले सबै विकेटको क्षतिमा २४० रन बनाएको थियो।