काठमाडौँ । केही सातादेखि निरन्तर उच्च रुपमा बढिरहेको प्याजको भाउ आज (बिहीबार) पनि बढेको छ । बुधबार बढेको सुकेको प्याजको भाउ बिहीबार ५ रुपैयाँ बढेको हो । आज प्याजसँगै आलु, हरियो तरकारीको भाउ पनि उच्च नै छ ।

काठमाडौँको कालिमाटी फलफुल तथा तरकारी बजारले बिहीबार सार्बजनिक गरेको मूल्य सूची अनुसार सुकेको प्याज एक केजीको थोक औसत मूल्य १ सय ७५ रुपैयाँ रहेको छ भने खुद्रा औसत मूल्य १ सय ९५ रुपैयाँ रहेको छ । बुधबार सुकेको प्याजको औसत खुद्रा मूल्य प्रतिकेजी १ सय ९० रुपैयाँ रहेको थियो।

नेपाली गोलभेडा ठूलो एक केजीको थोक औसत मूल्य ५५ रुपैयाँ रहेको छ भने खुद्रा मूल्य ९० देखि एक सय रुपैयाँसम्म रहेको छ ।

त्यस्तै रातो आलु एक केजीको थोक मुल्य ४४ देखि ४६ रुपैयाँसम्म रहेको छ भने खुद्रा मुल्य ६० देखि ७० रुपैयाँसम्म रहेको कालिमाटी फलफुल तथा तरकारी बजारले जनाएको छ।

हेर्नुहोस् आजको थोक तथा खुद्रा मुल्य