काठमाडौँ । चीनको एक शहरबाट देखिन सुरु भएको कोरोना भाइरसको महामारी विश्वका २०५ देशमा पुगेको छ। यस्तै दुई अन्तराष्ट्रिय पानी जहाजमा पनि संक्रमण पुष्टी भएको छ ।

शनिबार (नेपाली समयअनुसार) बिहानसम्म आइपुग्दा विश्वभर कोरोना भइरसको संक्रमणबाट १० लाख ९८ हजार ६ जना मानिस संक्रमित भएका छन् ।

जसमध्ये २ लाख २८ हजार ४ सय ५ जना संक्रमित उपचारपछि घर फर्किएको र ५९ हजार १ सय ४१ जना संक्रमितले ज्यान गुमाएको अन्तराष्ट्रिय सञ्चारमाध्यमहरुले जनाएका छन् ।

चीनमा फेरि थपिए कोरोना संक्रमित

कोरोना भाइरसको उद्वगमस्थल मानिएको चीनमा पुनः कोरोनाको संक्रमण देखिन थालेको छ। पछिल्ला केही दिनदेखि कोरोना संक्रमण ज्यान गुमाउनेको संख्या शून्य देखिएको चीनमा शुक्रबार पुनः कोरोना संक्रमित फेला परेका छन् । चीनमा शुक्रबार ३१ जना नयाँ संक्रमित थपिएका छन् भने ४ जना संक्रमितले ज्यान गुमाएका छन् ।

यसअघि चीनमा कोरोनाको नयाँ संक्रमण देखिन छाडेको भएपनि साढे दुई हजार जना कोरोना संक्रमितको भने उपचार जारी छ ।

अमेरिकामा एकै दिन १३२१ जनाको मृत्यु

पछिल्लो २४ घण्टामा अमेरिकामा सबैभन्दा धेरै मानिसको ज्यान गएको छ । २४ घण्टामा अमेरिकामा १ हजार ३ सय २१ जना कोरोना संक्रमितले ज्यान गुमाएका छन् । यो सँगै अमेरिकामा कोरोनाका कारण ज्यान गुमाउनेको संख्या ७ हजार ३ सय ९२ पुगेको छ ।

यस्तै शुक्रबार अमेरिका ३२ हजार २ सय ८४ जना नयाँ संक्रमित थपिएका छन् । यो सँगै अमेरिकामा कोरोना संिक्रमितको संख्या २ लाख ७७ हजार १ सय ६१ पुगेको छ।

२४ घण्टामा अमेरिकामा १३२१, स्पेनमा ८५०, इटली ७६६, फ्रान्स ११२०, यूके ६८४, जर्मनी १६८, इरान १३४, नेदरल्याण्ड १४८, बेल्जियम १३२ जना कोरोना संक्रमितले ज्यान गुमाएका छन् । अन्य देशको विवतरण तलको तालिकामा उल्लेख छ ।

यस्तो छ २०५ देशमा कोरोना प्रभाव