नयाँ दिल्ली (एजेन्सी)। भारतको बिहार राज्यमा चट्यांग लागेर ११ जनाको मृत्यु भएको छ। भारतीय सञ्चार माध्यमका अनुसार मंगलबार चट्यांग लागेर बिहारका ५ जिल्लामा ११ जनाको मृत्यु भएको हो।

राजधानी पटनामा २, छपरामा ५, नवादामा २, लखीसरायमा १ र जमुईमा एकजनाको मृत्यु भएको छ।

बिहारका मुख्यमंत्री नीतीश कुमारले मृतकका परिवारलाई ४–४ लाख रुपैयाँ राहत दिने घोषणा गरेका छन्। यसअघि गएको बिहीबार चट्यांग लागेर बिहारमा ८३ जनाको मृत्यु भएको थियो।