काठमाडौं । यो वर्षको तेस्रो संस्करणको एमएम कप एकदिवसीय राष्ट्रिय प्रतियोगिता काठमाडौंमा हुने भएको छ । सोमबार एमएम कप प्रतियोगिताका निर्देशक विप्लव घोष र डोरी ताङ खेलका सुनसरी जिल्ला संघ का अध्यक्ष निश्चल राज शाक्यले आज राष्ट्रिय खेलकुद परिषद्का सदस्य–सचिव रमेश कुमार सिलवाललाई भेटेर उक्त प्रतियोगिताको आयोजनाको विषयमा छलफल गरेका छन् ।

उक्त छलफलमा सदस्य–सचिव सिलवालले प्रतियोगितालाई भव्य बनाउन पूरा साथ र सहयोग रहने प्रतिबद्धता व्यक्त गरेका छन् । यस्तै उक्त प्रतियोगिताको सम्पूर्ण जानकारी केही दिनमा पत्रकार सम्मेलन गरेर दिइने निर्देशक घोषले जानकारी दिएका छन् ।