काठमाडौं। कोरोनाभाइरसले सबैभन्दा बढी प्रभावित भारतमा भाइरस संक्रमण फैलिन नदिन कडा सुरक्षा मापदण्ड अपनाउन आग्रह गरिँदै गर्दा प्रधानमन्त्रीकै गृहनगरमा सुरक्षा मापदण्डको धज्जी उडाइएको छ । कोरोना ‘भगाउन’ भन्दै गुजरातको अहमदाबादमा एक धार्मिक कार्यक्रममा हजारौंको संख्यामा सहभागी भएका महिलाहरुको भिडियो सामाजिक संजालमा भाइरल भइरहेको छ । मे ३ को भएको बताइएको यो भिडियोमा हजारौं महिलाहरु टाउकोमा पानीको भाँडो बोकेर सहभागी भएका छन् ।

This is the video of the same. Why no action against temple authority? @GujaratPolice pic.twitter.com/U76fPaaddm

— Hitendra Pithadiya ?? (@HitenPithadiya) May 5, 2021

भिडियोमा केही मानिसहरुले ती बाँडाहरु लिएर मन्दिरमा लैजाँदै पानी खन्याउँदै गरेका देखिएका छन् । भिडियोमा देखिएका महिलाहरुको भीडमा कुनै दूरी कायम गरिएको छैन र लगभग सबैजसो महिलाहरुले मासक लगाएका छैनन् । बुधबार यो भिडियो भाइरल भएपछि अहमदाबाट ग्रामीण पुलिसले कारवाही गर्दै २३ जनालाई पक्राउ गरेको इण्डिया डटकमले जनाएको छ । पुलिसका अनुसार गाउँलेहरुले बलियादेव मन्दिरमा पानी खन्याउने हो भने कोरोनाभाइरस भाग्ने विश्वास गरेका थिए ।

Amid corona pandemic, thousands throng during a religious event in Sanand, Ahmedabad. #CoronaPandemic pic.twitter.com/4IkwbQsdGH

— Shivangi Thakur (@thakur_shivangi) May 5, 2021