तेलअभिभ (एजेन्सी)। चरमपन्थी संगठन हिज्बुल्लाहले इजरेलमा रकेट आक्रमण गरेको छ। लेबनानसँगको सीमाबाट इजरेलमा रकेट आक्रमण भएको इजरेली सेनाले जनाएको छ। आक्रमणको शिया चरमपन्थी संगठन हिज्बुल्लाहले जिम्मेवारीसमेत लिएको अन्तर्राष्ट्रिय समाचार एजेन्सीहरुले जनाएका छन्।

केही महिना अगाडि प्यालेस्टाइनको गाजाबाट हमास लडाकुले इजरेलमाथि यस्तै प्रकारका रकेट आक्रमण गर्दा मध्यपूर्वमा तनाव बढेको थियो। अन्तर्राष्ट्रिय समूदायको हस्तक्षेपपछि तयतिबेला सो संघर्ष रोकिएको थियो। फेरि लेबनानमा सक्रिय हिज्बुल्लाहले इजरेलमाथि रकेट आक्रमण गर्दा मध्यपूर्वमा तनाव बढ्ने संकेत देखिएको अन्तर्राष्ट्रिय समाचार एजेन्सीहरुले जनाएका छन्।

WATCH: More than 10 rockets were fired from Lebanon into Israel, most of which were intercepted by The IDF Aerial Defense System. pic.twitter.com/tRlG7MCe0J

— Israel Defense Forces (@IDF) August 6, 2021

हिज्बुल्लाहले कम्तिमा १० वटा रकेट इजरेली भूमिमा दागेको इजरेली सेनाले जनाएको छ। तर ती मध्ये धेरैजसो रकेट आइरन डोमले ध्वस्त पारेको र केही खाली जमिनमा खसेको जनाइएको छ। सो रकेट आक्रमणको जवाफ दिने इजरेली सेनाले जनाएको छ। इजरेली प्रधानमन्त्री बेनेटे नेफ्टालीको अफिसले ट्वीट गर्दै यो विषयमा प्रधानमन्त्री र रक्षामन्त्रीबीच वार्ता हुने जनाएको छ।

उता लेबनान सरकारले भने लेबनानको भूमिबाट आक्रमण भएको पुष्टि नभएको जनाएको छ।

Prime Minister Naftali Bennett has been updated on the situation in the north. The Prime Minister will hold consultations shortly with Defense Minister Benny Gantz, IDF Chief-of-Staff Lt.-Gen. Aviv Kochavi and senior defense establishment officials.

— PM of Israel (@IsraeliPM) August 6, 2021