२७ प्रतिशत लाभांश पारित गर्न एसियन लाइफ इन्स्योरेन्सले बोलायो साधारणसभा
काठमाडौं। एसियन लाइफ इन्स्योरेन्सको बार्षिक साधारण सभा माघ २१ गते हुने भएको छ। लाभांश पारित गर्न सभा होटल दियालो लर्डस् आदर्शनगर, वीरगञ्जमा बिहान ११ः३० बजे सुरु हुने भएको छ ।
सभामा कम्पनीले आर्थिक वर्ष २०७७/७८ को मुनाफाबाट २५ प्रतिशत बोनस सेयर र बोनसमा लाग्ने कर तिर्न २ प्रतिशत नगद लाभांश गरी कुल २७ प्रतिशत लाभांश वितरण गर्ने भएको छ। साथै, प्रबन्धपत्र तथा नियमावली संशोधन गर्ने एजेन्डा पनि रहेको छ ।
सभामा कम्पनीले ५१ प्रतिशत स्वामित्व रहेको एसियन क्यापिटलमा सामूहिक लगानी कोष सञ्चालन गर्न सञ्चालक समितिलाई अख्तियारी दिने प्रस्ताव पनि रहेको छ ।
सभा प्रयोजनका लागि कम्पनीले माघ १२ गते बुक क्लोज गर्ने भएको छ । यसअनुसार माघ ११ गतेसम्म कायम रहने सेयरधनी मात्र सभामा भाग लिन र प्रस्तावित लाभांश पाउन सक्नेछन् ।
Facebook Comment