काठमाडौँ। साताको कारोबारको तेस्रो दिन मंगलबार नेपाली बजारमा सुनको भाउ घटेको छ । मंगलबार छापावाला सुनको मूल्य ९९ हजार २ सय रुपैयाँ कायम भएको छ।

सोमबार एक लाख पाँच सय रुपैयाँमा कारोबार भएको सुन आज १ हजार ३ सय रुपैयाँले घट्दा ९९ हजार दुई सय रुपैयाँ पुगेको  नेपाल सुनचाँदी व्यवसायी महासंघले जनाएको छ । आज तेजावी सुनको भाउ तोलाको ९८ हजार सात सय रुपैयाँ निर्धारण भएको छ ।

चाँदीको भाउ पनि प्रतितोलमा १० रुपैयाँले घटेको छ । सोमबार एक हजार तीन सय ८० रुपैयाँमा कारोबार भएको चाँदी आज एक हजार तीन सय ७० रुपैयाँमा निर्धारण भएको छ ।