काठमाडौँ। नेपाल राष्ट्र बैंकले १० अर्ब १० करोड रुपैयाँबराबरको ट्रेजरी बिल जारी गर्ने भएको छ । बैंकले ९१ दिन र १८२ दिन  गरी २ किसिमको ट्रेजरी बिल जारी गर्न लागेको हो ।

बैंकले ९१ दिनको लागि ५ अर्ब १० करोडको ट्रेजरी बिल जारी गर्ने भएको छ। यो बिल आगामी कार्तिक १५ गते परिपक हुनेछ। यस्तै, १८२ दिनको लागि ५ अर्वको ट्रजरी बिल जारी गर्न लागेको हो। यो बिल माघ १७ गते परिपक्व हुनेछ ।

ट्रेजरीको बोलकबोल अनलाइनमार्फत सोमबार (आज)दिउँसो ३ बजे खुला हुनेछ। सोमबार हुने बोलकबोलमा सहभागी क, ख र ग वर्गका बैंक, बैंक तथा वित्तीय संस्था, गैर–बैंक तथा वित्तीय संस्था, सङ्गठित संस्थाका साथै सर्वसाधारण नेपाली नागरिकमध्ये सर्वाधिक अङ्क कबोल गर्नेलाई बैंकले मङ्गलबार ट्रेजरी बिल जारी गर्नेछ।