काठमाडौँ । आज काठमाडौं उपत्यकाबाट १५२ वटा फोहोरका गाडीहरु बञ्चरे डाँडा ल्याण्डफिल साइटमा लगिएको छ ।

फोहोर व्यवस्थापनमा परिचालन हुने काठमाडौं महानगरपालिकाका २ वटा डोजर र एउटा एस्काभेटर तथा काठमाडौंबाट फोहोर बोकेर गएका, रात परेर खन्याउन नपाएका आलेटारनजिक पार्किङ् गरेर राखिएका गाडीहरुमा तोडफोड भएपछि केही दिनदेखि गाडीहरु बञ्चरे डाँडा जान सकेका थिएनन् ।

कुनै अवरोध नभएमा भोलिबाट दैनिक २५० देखि ३५० गाडीहरु फोहोर बोकेर बञ्चरे पुग्ने काठमाडौं महानगरपालिकाका प्रमुख बालेन्द्र शाह (बालेन)ले जनाएका छन् ।