काठमाडौं । आमिर खान र करीना कपूर खानको फिल्म लाल सिंह चड्ढाले बक्स अफिसको व्यापारलाई निराश बनाएको छ। मंगलबार फिल्मले अहिलेसम्मकै न्यून कमाई गरेको छ र यो अचम्मको कुरा हो । लालसिंह चड्डाले रिलिजको पहिलो दिनदेखि नै कमाईको हिसाबले राम्रो गर्न नसकेको भए पनि मंगलबार भने फिल्मको व्यापार बिजोग छ ।

लाल सिंह चड्डाले सकारात्मक समीक्षा गरिए पनि बक्स अफिसमा असफल भइरहेको छ । फिल्मले ६ दिनमा ५० करोडको आँकडा पनि पार गर्न सकेको छैन । मंगलबारको कमाईले लाल सिंह चड्डाका निर्माता र फ्यानहरूको मन तोड्न सक्छ। प्रारम्भिक जानकारी अनुसार लाल सिंह चड्डाले मंगलबार मात्रै २ करोड कमाएको छ । योसँगै फिल्मको हालसम्म कुल कलेक्सन ४८ करोड मात्र भएको छ ।

लाल सिंह चड्डा छैटौं दिनमा पनि ५० करोड कमाउनबाट चुकेको छ । फिल्मले ६ दिनमा ५० करोड क्लबमा प्रवेश गर्न नसक्नु साँच्चै निराशाजनक छ । बक्स अफिस इन्डियाको रिपोर्टका अनुसार आमिर खानको यो फिल्मले लाइफटाइम ७५ करोडको कलेक्सन पनि नगर्न सक्छ ।

लाल सिंह चड्डाले रिलिजको पहिलो दिन ११.५० करोडको कलेक्सन गरेको थियो । रिलिजको दोस्रो दिन फिल्मको व्यापारमा गिरावट आयो । लालसिंह चड्डाले दोस्रो दिन ६.५० देखि ७ करोड मात्रै संकलन गरेको थियो । तर सप्ताहन्तमा फिल्मले केही फाइदा उठायो र शनिबार–आइतबार फिल्मको व्यापार केही बढ्यो । तेस्रो दिन ‘लाल सिंह चड्डा’ले २० प्रतिशतले वृद्धिसहित ८.५० करोडको कलेक्सन गरेको थियो भने आइतबार फिल्मले १० करोड कमाएको थियो ।

सप्ताहन्त संकलनमा बृद्धि भएको देखेर सबैको अनुहार खुशीले उज्यालो भयो । फिल्मले गति लिएको छ, अब राम्रो व्यापार गर्छ भन्ने मानिसलाई लागेको थियो । तर अफसोस, १५ अगस्टको छुट्टीले फिल्मलाई खासै फाइदा ल्याएन । अगस्ट १५ मा फेरि फिल्मको व्यापारमा गिरावट आएको थियो । लाल सिंह चड्ढाले रिलिजको पाँचौं दिन अर्थात् १५ अगस्टमा मात्र ८ करोड कमाएको थियो र अब छैटौं दिनको सबैभन्दा कम कलेक्शन गरेको छ ।

आमिर खानले ४ वर्षपछि फिल्म ‘लाल सिंह चड्ढा’ बाट सिल्वर स्क्रिनमा कमब्याक गरेका छन् । आमिरको फिल्मले रेकर्ड तोड्छ भन्ने सबैलाई लागेको थियो । तर, विडम्बना यस्तो भएन । फिल्म बक्स अफिसमा खराब अवस्थामा छ । धेरै शो खाली भइरहेकाले फिल्मको बिहानको शो रद्द गर्नु परेको छ ।

लाल सिंह चड्ढा हलिउडको क्लासिक फिल्म फरेस्ट गम्पको रिमेक हो। फिल्ममा आमिरसँगै करिना कपूर खान पनि मुख्य भूमिकामा छन् । आमिर र करीना थ्री इडियट्स पछि पुनः एकजुट भएका छन् । फिल्ममा दुबैले उत्कृष्ट काम गरेका छन् । फिल्ममा आमिरकी आमाको भूमिका निभाएकी मोना सिंहको अभिनयको पनि निकै तारिफ भइरहेको छ । तर कमाईको हिसाबले भने फिल्मले अहिलेसम्म खास केही गर्न सकेको छैन ।