काठमाडौं। ०५६ साल बाहेकका सबै चुनावमा जित निकाल्दै आएका एकीकृत समाजवादीका सम्मानित नेता झलनाथ खनाललाई एमालेका महेश बस्नेतले फराकिलो मतान्तरले पछि पारेका छन्।

पछिल्लो मत परिणाम अनुसार इलामा क्षेत्र नम्बर-१ मा एमालेका महेश बस्नेतले ८ हजार ५७ मतले अग्रता दिइरहँदा खनालले ६ हजार ६ सय ५९ मतसहित दोस्रो स्थानमा छन्।

यसअघि एमालेबाट चुनाव जित्दै आएका खनालले एमाले विभाजित गरेर गठन भएको एकीकृत समाजवादीबाट चुनाव लडेका हुन्। उनलाई सत्ता गठबन्धनको समर्थन छ।