बहराइनमा लुलु एक्सचेन्ज र एमबीएल रेमिटबीच सम्झौता
मान्मा। माछापुच्छ्रे बैंकले बहराइनको लुलु एक्सचेन्जसँग रेमिट्यान्स भुक्तानी सम्झौता गरेको छ। आइतबार माछापुच्छ्रे बैंकका मध्यपूर्व संयोजक सुजन सापकोटा र लुलु एक्सचेन्जका प्रतिनिधिबीच रेमिट्यान्स भुक्तानी सम्झौता भएको हो।
संयोजक सापकोटाका अनसुार अब बहराइनमा रहेका नेपालीले माछापुच्छ्रे बैंकको एमबीएल रेमिटमार्फत नेपालमा सहजै पैसा पठाउन सक्नेछन्।
बहराइनमा रहेका लुलु एक्सचेन्जका १७ वटा शाखाबाट सरल रुपमा नेपाल पैसा पठाउन सकिने सापकोटाको भनाइ छ।
एक्सचेन्जमार्फत पठाएको रकम नेपालमा सहजै भुक्तानी लिन सकिने कम्पनीले जनाएको छ। माछापुच्छ्रे बैंकले अहिले मध्यपूर्वमा आफ्नो कारोवार विस्तार गरिरहेको छ। बहराइनमा अन्य बैंकिक सुविधा पनि प्रदान गरिने संयोजक सापकोटाले बताए।
प्रतिक्रिया
Facebook Comment