काठमाडौं। गायक सुदिप पन्त र गायिका शान्ती श्री परियारको आवाज रहेको ‘बारुलाको गोलो’ गीत सार्वजनिक भएको छ। सार्वजनिक गीतमा उषा उप्रेती र रमेश कडरियाको अभिनय रहेको छ।

सुदिप पन्त र रमेश कडरियाको शब्द रहेको गीतको संगीत गायक स्वयंले गरेका छन् भने संगीत संयोजन कडरियाले गरेका छन्। केही फरक शैलीमा प्रस्तुत गरिएको गीतको भिडियोमा जंगलमा बसोबास गर्ने प्रेमी प्रेमिका (मोडेल उषा उप्रेती र रमेश कडरिया) को रोमान्चक प्रेम दर्शाउनुको साथै भिलेन पात्र पनि खडा गरिएको छ।

भिडियोलाई कार्टून्ज क्रू का सरोज अधिकारीले निर्देशन गरेका छन्। त्यस्तै सरोज अधिकारी र रोशन बिकको कोरियोग्राफी, तथा क्यामरामा पवन शुस्लिङले काम गरेका छन। नगरकोट र साँखुको जंगलमा छायाङ्कन भएको गीतको भिडियो सम्पादन सुरोज अधिकारीले गरेका हुन भने कलर करेक्सन राजेन्द्र मोक्तानले गरेका छन।

आम दर्शक तथा श्रोताको चाहना अनुरुपको गीत बनेकोले यो गीत मन पराउनेमा आफू आशावादी रहेको गायक सुदिप पन्तले बताए। हाल जापानमा बसोबास गरिरहेका पन्तले यसअघि नेपाली र जापानी भाषा सम्मिलित गीत ‘ओइ ओइ तकेवा’ सार्वजनिक गरेका थिए।