काठमाडौं । न्यूयोर्क प्रहरीले बुधबार कोलम्बिया विश्वविद्यालयको मुख्य पुस्तकालयको एक भाग कब्जा गर्ने दर्जनौं प्यालेस्टाइन समर्थक प्रदर्शनकारीहरूलाई पक्राउ गरेको छ।

कोलम्बिया विश्वविद्यालयका अध्यक्ष क्लेयर शिपम्यानको एक विज्ञप्ति अनुसार, बुधबार प्रदर्शनकारीहरू जबरजस्ती बटलर पुस्तकालयमा प्रवेश गरे। उनले भने ‘यस समयमा विश्वविद्यालयका दुई सुरक्षा अधिकारी घाइते भएका छन्।’

शिपम्यानले न्यूयोर्क प्रहरीबाट सहयोग मागेको बताए। न्यूयोर्क शहर प्रहरी विभागले पनि एक्समा पोस्ट गरेर घटनाको बारेमा जानकारी गरायो।

प्रहरीले भनेको छ – कोलम्बिया विश्वविद्यालयको अनुरोधमा, न्यूयोर्क प्रहरीले क्याम्पसमा भएको परिस्थितिमा प्रतिक्रिया दियो, जहाँ धेरै व्यक्तिहरूले पुस्तकालय कब्जा गरेका थिए।

क्याम्पस पत्रिका कोलम्बिया स्पेक्टेटरका अनुसार प्रहरीले ७० भन्दा बढी प्रदर्शनकारीहरूलाई पक्राउ गरेको छ। यसैबीच, क्लेयर शिपम्यानले भने – अधिकांश प्रदर्शनकारीहरू विश्वविद्यालयका विद्यार्थीहरू थिएनन्।