काठमाडौं । सूचना, सञ्चार तथा प्रविधिमन्त्री एवं सरकारका प्रवक्ता पृथ्वीसुब्बा गुरुङले केही दिनभित्रै नेपाल राष्ट्र बैंकले गभर्नर पाउने आशा भएको बताएका छन्।

बिहीबार सिंहदरबारमा बुधबार बसेको मन्त्रिपरिषद् बैठकका निर्णय सार्वजनिक गर्दै गुरुङले उक्त कुरा बताएका हुन्।

‘सिफारिस समितिबाट सुरुमा विजयनाथ भट्टराईले राजीनामा दिनुभयो। त्यो डिफल्ट भयो। त्यसपछि महाप्रसाद अधिकारीलाई समितिको सदस्यमा थप्यौं। त्यसपछि डा. विश्व पौडेलले राजीनामा दिने परिस्थिति बन्यो। समितिका सदस्यले राजीनामा दिने परिस्थिति बनेको हुनाले यो काम चाँडोभन्दा चाँडो सम्पन्न गर्नका लागि फेरि पुनर्गठन गरेका छौं,’ उनले भने।

अब तलमाथि नभइ दुई चार/दिनभित्र नयाँ गभर्नर पाउने आशा लिएको उनले बताए।