काठमाडौं । उत्तर प्रदेश प्रहरीले लरेन्स बिश्नोई गिरोहका शार्प शूटर नवीन कुमार बुधबार एक इन्काउन्टरमा मारिएको दाबी गरेको छ।

यूपी एसटीएफका अनुसार बुधबार राति यूपी एसटीएफ र दिल्ली प्रहरीको विशेष सेलको संयुक्त अपरेशन सञ्चालन गरिएको थियो। यो मुठभेड गाजियाबाद नजिकै हापुरको कोतवाली क्षेत्रमा भएको थियो।

यूपी प्रहरीले जारी गरेको विज्ञप्तिमा मृतक गाजियाबादको लोनीका बासिन्दा भएको बताइएको छ। अभियुक्त विरुद्ध लगभग २० वटा मुद्दा विचाराधीन थिए। यसमा हत्याका मुद्दाहरू पनि समावेश छन्।

यूपी एसटीएफका एडीजी अमिताभ यशले भने, ‘मुठभेडमा घाइते भएका नवीन कुमारलाई अस्पताल लगिएको थियो जहाँ डाक्टरहरूले उनलाई मृत घोषित गरे।’

प्रहरीका अनुसार नवीन कुमारलाई अदालतले दुई मुद्दामा सजाय सुनाएको थियो।