काठमाडाैंश्र बडादशैं अन्तर्गत फुलपाती नजिकिँदै जाँदा उपत्यकाबाट बाहिरिने यात्रुहरुको संख्या बढ्दै गएको छ।

बिहीबार बल्खु, कोटेश्वर कलंकीलगायका नाका हुँदै उपत्यकाबाट बाहिरिने यात्रुहरुको संख्या बढेको हो। मुग्लिन-नारायणघाट सडकखण्ड पहिरोले अवरुद्ध भएपछि बिपी राजमार्गमा सवारी चाप बढेको ट्राफिक प्रहरीले जनाएको छ।

काठमाडाैंबाट पछिल्लो ६ दिनमा दुई लाख भन्दा बढी यात्रु बाहिरिएको काठमाण्डौ उपत्यका ट्राफिक प्रहरी कार्यालयले जनाएको छ।

थानकोट, साँगा, दक्षिणकाली र बालाजु नाकाबाट यात्रुहरू गन्तव्यस्थलमा गएका हुन्। यसवर्ष बिभिन्न स्थानमा गएको पहिरोका कारण दशैमा घर फर्कने यात्रुहरु समस्यामा परेका छन्।