सल्यान । सल्यानको कुमाख गाउँपालिका–१ बुरेली खोलामा यात्रुवहाक फोर्स गाडी दुर्घटना भएको छ।

आज बिहान नेपालगञ्जबाट रुकुमपश्चिमको चौरजहारीको लागि छुटेको ६७८८ नम्वरको हाईस गाडी दुर्घटना भएको हो। दुर्घटनामा पाँच जना यात्रु घाइते भएकोमा तीनको अवस्था गम्भीर रहेको प्रहरिले जनाएको छ।

प्रहरीका अनुसार गम्भीर घाइते हुनेहरुमा चौरजहारी नगरपालिका–५ का ५० वर्षीय बुद्धि बिक, सानीभेरी गाउँपालिका–१० का ३४ वर्षीय मदन खड्का र चौरजहारी नगरपालिका–१४ का २२ वर्षीय दिनेश ओली छन्।

घाइतेहरूलाई उपचारका लागि चौरजहारी अस्पतालमा ल्याइएको छ। गम्भीर अवस्थाका घाइतेहरूलाई थप उपचारका लागि नेपालगञ्ज रिफर गर्ने तयारी भइरहेको अस्पतालका चिकित्सकले जनाएका छन्। गाडी अनियन्त्रीत भई भित्तामा ठोकिएर दुर्घटना भएको प्रहरीले जनाएको छ।