काठमाडौं। नेपाल प्रिमियर लिग (एनपिएल) को तेस्रो खेलमा विराटनगर किंग्सले पोखरा एभेन्जर्सलाई २२१ रनको विशाल लक्ष्य दिएको छ।

टस हारेर पहिला ब्याटिङको निम्तो पाएको विराटनगरले निर्धारित २० ओभरको खेलमा ५ विकेट गुमाउँदै २२० रन बनाएको हो।

विराटनगरका दुई खेलाडीले अर्धसतक बनाए। लोकश बमले ४८ बलमा ७ छक्का र एक चौकाको मद्दतमा ७२ रन बनाए भने मार्टिन गुप्टिलले ३५ बलमा ३ चौका र ५ छक्काको मद्दतमा ६१ रन बनाए। यस्तै शुभम रन्जनले ३८ रन बनाए।

यसअघि आज भएको खेलमा कर्णाली याक्सलाई ४ विकेटले हराउदै चितवनले विजयीको सुरूवात गरेको छ।