काठमाडौं । भारत र दक्षिण अफ्रिकाबीच ओडिशाको कटकमा खेल भइरहेको टी-२० शृङ्खलाको पहिलो खेलमा भारतले दक्षिण अफ्रिकालाई १७६ रनको लक्ष्य दिएको छ।

टस जितेपछि दक्षिण अफ्रिकाले पहिले बलिङ गर्ने निर्णय गरेको थियो । पहिले ब्याटिङ गरेको भारतले ६ विकेट गुमाउँदै १७५ रन बनाएको थियो।

भारतीय इनिङ्सको सुरुवात खराब रह्यो, शुभमन गिल पहिलो विकेटको रूपमा पतन भए, उनले चार रन बनाए। त्यसपछि सूर्यकुमार यादव १२ रनमा आउट भए।

अभिषेक शर्मा १७ रनमा आउट भए भने तिलक वर्माको चौथो विकेट २६ रनमा पतन भयो। अक्षर पटेल २३ रनमा आउट भए। शिवम दुबे ११ रनमा आउट भए।

हार्दिक पाण्ड्याले सर्वाधिक ५९ रन बनाए भने जितेश शर्माले अविजित १० रन बनाए।

दक्षिण अफ्रिका र भारतले पाँच वटा टी-२० अन्तर्राष्ट्रिय खेलको शृङ्खला खेल्दैछन्।