काठमाडौं । नेपाली कांग्रेसले पूर्व सभापति शेरबहादुर देउवाप्रति आभार प्रकट गर्ने निर्णय गरेको छ । नवनिर्वाचित कार्यसमितिको आज बसेको बैठकले देउवाले लामो समयसम्म पार्टीको नेतृत्व गरेकोमा आभार व्यक्त गरेको हो ।

‘शेरबहादुर देउवाज्यूले लामो समयसम्म पार्टीको नेतृत्व गर्नुभयो । बैठकले उहाँप्रति हार्दिक आभार व्यक्त गर्ने निर्णय गरेको छ,’ बैठकको निर्णय सुनाउँदै प्रवक्ता देवराज चालिसेले भने, ‘उहाँबाट अभिभावकीय भूमिका निर्वाह गर्नुहुने विश्वास बैठकले लिएको छ ।’